¡ Infantil e Primaria celebran xuntos "As Letras Galegas" !

Dende 1963 celebramos en Galicia o Día das Letras Galegas para homenaxear a aqueles homes e mulleres que destacaron pola súa creación literaria en idioma galego ou pola defensa  da nosa lingua. Cada ano adícase a unha personalidade diferente, escollida pola Real Academia Galega.

  A data de celebración deste evento débese a que tal día como este, 17 de maio, publicouse en Vigo o primeiro exemplar da obra "Cantares Gallegos" da escritora galega Rosalía de Castro, que marcaría o inicio do Rexurdimento cultural do galego. Este ano o autor homenaxeado é Valentín Paz Andrade.

  Por iso para nós, esta semana foi moi axetreada, os rapaces de Primaria e Infantil traballaron moito para conmemorar este día tan importante para a nosa cultura. 

  Os pitufiños ademais de debuxar un precioso mural e recitar poesías aproveitaron as novas tecnoloxías cos recursos do Seminario Galán, que os nosos compañeiros do Abalar deixaron para nos no seu blog.

   O martes pasamos unha tarde moi divertida convinando dous estilos musicais diferentes, por unha banda tivemos a un grupo de gaiteiros que nos trouxo a profe Bea, "Fume de Caroso" onde o seu pai toca o bombo; e  pola outra un grupo rock de nova creación, "Armando Ruído y los Constantes", liderado polo profe Camilo e cuxos integrantes son alumnos da ESO do noso Cole. 

   Con moita ledicia compartimos  música, baile, poesía… en fin, cultura, arte e  troula. Para rematar a semana queremos mandar moitos bicos agarimosos a todos os que colaboraron con nós nestas celebracións.

Deixámosvos estas imaxes, sabendo que disfrutaredes moito con elas. 

¡FELIZ 17 de MAIO a TODOS, “DIA DAS LETRAS GALEGAS”!